Nicos Anastasiades, forseti Kýpur, segir að Kýpverjar hafi ekki staðið frammi fyrir meiri efnahagsvanda í tæp 40 ár, eða frá því Tyrkir réðust inn í landið árið 1974.

Þetta sagði forsetinn í sjónvarpsávarpi í dag en þar ræddi hann um 10 milljarða evra neyðarlánið sem fjármálaráðherrar evruríkjanna og Alþjóðagjaldeyrissjóðurinn samþykktu að veita Kýpur.

Kýpversk stjórnvöld hafa ákveðið að leggja 10% einskiptisskatt á allar bankainnistæður í landinu og hefur sú ákvörðun reitt landsmenn til reiði.

Anastasiades hvatti stjórnmálaöfl landsins til að fylkja sér á bak við samkomulagið. Stjórnarflokkarnir eru undir miklu álagi og var neyðarfundi sem halda átti á þinginu í dag frestað til morguns.

Forsetinn segir að Kýpur hafi þurft að velja á milli þess að koma stöðugleika á efnahagslíf landsins ella standa frammi fyrir efnahagshruni, og þá myndi Kýpur ekki lengur vera hluti af evruríkjunum.

Þeir sem eiga minna en 100 þúsund evrur inn á bankareikningum á Kýpur þurfa nú að greiða 6,75% skatt einu sinni. Þeir sem eiga hærri upphæðir þurfa að greiða 9,9% skatt í eitt skipti samkvæmt skilmálum sem er að finna í neyðarláni AGS og ESB.

Tengdar fréttir

Kýpur í kreppu

Kýpur fær 84,7 milljónir frá AGS

• Þing Kýpur felldi niðurskurðarlög
• Sólarlandaferð á gjafverði
• Hollande: „Evrukrísan er liðin hjá“
• Segir Kýpur hafa verið beitt þvingunum

» Fleiri tengdar fréttir

• 3 blogg um fréttina

Bloggað um fréttina

• Sigurður Haraldsson: Evropa er að riða til falls!
• G. Tómas Gunnarsson: Að eiga fé í öruggum gjaldmiðli.
• Ómar Geirsson: Hvað er Kýpur búið að vera með evruna lengi??