Kýpverska þingið mun koma saman á neyðarfundi eftir hádegi í dag þar sem ákveða á næstu skrefin í að bregðast við skuldavanda þjóðarinnar. Talsmaður ríkisstjórnar landsins segir að taka þurfi „stórar ákvarðanir“ og bregðast við erfiðum álitamálum, sem margar hverjar verði sársaukafullar.

Ræða á átta aðgerðir sem miða að því að tryggja það lágmarksfé sem þarf til að tryggja aðstoð Evrópusambandsins og Alþjóðagjaldeyrissjóðsins, 5,8 milljarða evra.

Næstu klukkustundir munu skera úr um framtíð þessarar þjóðar. Við verðum öll að axla þá ábyrgð sem okkur ber,“ segir Christos Stylianides talsmaður stjórnarinnar í fréttatilkynningu sem send var út í dag.

Samkvæmt AFP-fréttastofunni er Evrópusambandið tilbúið til að leysa Kýpur frá evrusamstarfinu til að koma í veg fyrir að ástandið í landinu smitist yfir til annarra  evruríkja sem eiga í erfiðleikum;  Grikklands, Spánar og Ítalíu.

Tengdar fréttir

Kýpur í kreppu

Kýpur fær 84,7 milljónir frá AGS

• Þing Kýpur felldi niðurskurðarlög
• Sólarlandaferð á gjafverði
• Hollande: „Evrukrísan er liðin hjá“
• Segir Kýpur hafa verið beitt þvingunum

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Næstu klukkustundir ráða úrslitum,það er nokkuð víst,þeir bara frá ESB …