Börn múslíma iðki íþróttir saman

Angela Merkel Þýskalandskanslari blandaði sér í umræðu um kröfu múslíma þar í landi um að kynin verði aðskilin í leikfimitímum. Segir hún að slíkt myndi senda röng skilaboð til samfélags sem stefni að frekari samruna og aðlögun.

Krafan nær eingöngu til múslímskra barna. Haft var eftir Merkel í  Rheinische Post að ekki kæmi til greina að verða við þeim. Peer Steinbrück sem kemur úr flokki Sósíal demókrata, andstæðinga kristilegra demókrata sem Merkel fer fyrir, er á annarri skoðun. Í síðustu viku var haft eftir honum að hann skildi vel sjónarmið múslímskra foreldra.

Orð hans vöktu nokkuð umtal í þýskum fjölmiðlum.  „Margir múslímskir foreldrar leysa þetta mál með því að senda börn sín ekki í leikfimitíma. Slíkt getur ekki verið farsæl lausn,“ segir Steinbrück.

Nokkrir stjórnmálamenn hafa tekið undir með honum en mun fleiri hafa þó lýst yfir vanþóknun sinni á skoðun Steinbrück sem þeir segja að sé andstæð kynjajafnrétti.  

• 1 blogg um fréttina

Bloggað um fréttina

• Páll Vilhjálmsson: Trú, mannréttindi og ofbeldi