Hrollvekjandi áróður Norður-Kóreu
Setja bókamerki
Ríkissjónvarp Norður-Kóreu hefur tekið til sýninga áróðursþætti til að undirbúa þjóðina undir stríð gegn Suður-Kóreu og Bandaríkjunum. Fyrir utanaðkomandi virka þættirnir án nokkurs vafa hrollvekjandi.
Á meðfylgjandi myndskeiði má sjá brot úr einum slíkum þætti, af heræfingu. Þar er illvígum hundum sigað á brúðum í líkamsstærð sem klæddar hafa verið upp eins og Kim Kwan-jin, varnarmálaráðherra Suður-Kóreu. Hundarnir bíða ekki boðana þegar þeim er sleppt, fella brúðuna fljótt og örugglega í jörðina og bíta á háls hennar.
„Þessi bastarður níðir þjóð okkar og lítillækkar með heimskulegum ummælum sínum. Hvernig getum við sætt okkur við það?“ spyr einn þeirra hermanna sem tekur þátt í æfingunni. „Okkar fyrsta takmark er að fjarlægja hann og berja til dauða.“
Þá má sjá hermenn æfa skotfimi með skammbyssum og hríðskotarifflum. Skotmarkið er það sama, Kim Kwan-jin.
Börn hafi engan rétt á leikskólakennslu
Hópur fólks reyndi að komast að eldgosinu
Drónamyndskeið frá hápunkti gossins í nótt
„Höfum sloppið bærilega með skaða af þessu gosi“
Sjötti ferðamaðurinn er látinn
Hótar Bretum og Bandaríkjamönnum