Enn samdráttur á Spáni

Samdráttur varð í hagkerfi Spánverja á síðasta ársfjórðungi. Þetta er sjöundi ársfjórðungurinn í röð sem samdráttur er í hagkerfi landsins.
 
Samdrátturinn var upp á 0,5% miðað við ársfjórðunginn á undan. Í síðustu viku kom út spá frá spænskum stjórnvöldum um að hagkerfið myndi minnka um 1,3% á þessu ári.

Ekki er búist við því að hagvöxtur muni hefjast að nýju fyrr en á næsta ári.

Síðustu atvinnuleysistölur sýna að 27% eru án atvinnu. 57,2% atvinnuleysi er meðal þeirra sem eru 25 ára og yngri. 1,37% samdráttur varð á síðasta ári sem er versta samdráttarár Spánverja frá árinu 1970.

BBC segir frá. 

AFP

• 1 blogg um fréttina

Bloggað um fréttina

• G. Tómas Gunnarsson: Samdráttur, atvinnuleysi, niðurskurður og vaxandi sundurlyndi