Rottu- og refakjöt selt sem nautakjöt

Kínversk yfirvöld hafa handtekið um 900 manns vegna kjöthneykslis. Fólkið er m.a. sakað um að hafa selt rottu- og refakjöt sem nautakjöt.

Aðgerðir yfirvalda vegna málsins hafa staðið yfir í þrjá mánuði en mikið er nú rætt um matvælaöryggi í landinu. M.a. hefur komist upp um endurunna matarolíu og hættuleg efni í þurrmjólkurdufti. 

Fólkið er ákært fyrir að hafa m.a. sprautað vatni í kjöt, að selja rottu- og refakjöt sem nautakjöt og að selja eitraðar og hættulegar kjötafurðir.

904 voru handteknir og yfir 20 þúsund tonn af ýmiskonar kjötvörum gerð upptæk.

• 1 blogg um fréttina

Bloggað um fréttina

• Matthildur Jóhannsdóttir: 50% pappakassa massi í nautakjöti til Japans