Stjórnvöld í Bandaríkjunum hafa lagt fram ákæru gegn Edward Snowden, fyrrverandi starfsmanni bandarísku leyniþjónustunnar, vegna njósna og beðið yfirvöld í Hong Kong að taka hann höndum samkvæmt frétt bandaríska dagblaðsins Washington Post í dag.

Fram kemur í fréttinni að handtökuskipun hafi verið gefin út á grundvelli ákærunnar. Snowden sé ákærður fyrir njósnir, þjófnað og að hafa „misnotað opinberar eignir“. Hann upplýsti á dögunum um stórfellt eftirlit Þjóðaröryggisstofnunar Bandaríkjanna (NSA) með síma- og netnotkun fjölda Bandaríkjamanna.

Snowden fór til Hong Kong og veitti þar breska dagblaðinu Guardian viðtal þar sem hann upplýsti um eftirlit NSA. Fram kemur í frétt AFP að boltinn sé nú hjá yfirvöldum í Hong Kong. Beðið verði eftir viðbrögðum frá þeim við beiðni Bandaríkjastjórnar.

Þess má geta að framsalssamningur er í gildi á milli Bandaríkjanna og Hong Kong. Hins vegar liggur ekki fyrir hvar í Hong Kong Snowden er niðurkominn.

Tengdar fréttir

Edward Snowden

Snowden fær rússneskan ríkisborgararétt

• Njósnuðu um Hvíta húsið
• Hjálpuðu Snowden og er synjað um hæli
• Í hættu eftir að hafa aðstoðað Snowden
• Segja lögregluna á hælum sér

» Fleiri tengdar fréttir

• 1 blogg um fréttina

Bloggað um fréttina

• Júlíus Már Baldursson: Njósna og kæra fyrir njósnir.......