Bandaríkjamenn munu ekki fara fram á dauðarefsingu yfir uppljóstrarnum Edward Snowden. Þetta kemur fram í bréfi frá Eric Holder, dómsmálaráðherra Bandaríkjanna, sem sent var rússneskum stjórnvöldum í dag.

Í bréfinu, sem stílað er á Alexander Konovalov dómsmálaráðherra Rússlands, segir að jafnvel þó Snowden verði ákærður fyrir alvarleg brot, verði ekki farið fram á dauðarefsingu. Þar segir jafnframt að Snowden verði ekki pyntaður. „Pyntingar eru ólöglegar í Bandaríkjunum,“ segir Holder í bréfinu.

Þá segir einnig að þrátt fyrir fréttaflutning og skilning Snowden á málinu, geti hann enn ferðast, þó með takmörkunum. „Þrátt fyrir ógildinu vegabréfs hans þann 22. júní síðastliðinn, er Snowden enn bandarískur ríkisborgari,“ segir Holden. Hann má því ferðast, en aðeins beina leið til Bandaríkjanna og eru yfirvöld þar í landi reiðubúin að veita honum vegabréf sem heimilar honum þá ferð.

Snowden dvelur enn í Rússlandi eftir að hafa flúið þangað frá Hong Kong í júní. Hann hefur sótt um tímabundið hæli í landinu.

Tengdar fréttir

Edward Snowden

Snowden fær rússneskan ríkisborgararétt

• Njósnuðu um Hvíta húsið
• Hjálpuðu Snowden og er synjað um hæli
• Í hættu eftir að hafa aðstoðað Snowden
• Segja lögregluna á hælum sér

» Fleiri tengdar fréttir

• 1 blogg um fréttina

Bloggað um fréttina

• Jóhann Kristinsson: Er Snowden á leiðini heim?