Stuðningsmenn Silvios Berlusconis, fyrrverandi forsætisráðherra Ítalíu, hafa fjölmennt fyrir utan glæsihýsi hans í Rómarborg til að mótmæla því að hann hafi verið dæmdur í fangelsi fyrir skattsvik.

Sumir stuðningsmanna hans vildu að hann myndi þvinga fram kosningar til að binda enda á það vandræðaástand sem hefur skapast innan samsteypustjórnarinnar, þ.e. á milli hægriflokks Berlusconis og vinstrimanna.

Berlusconi segir að núverandi ríkisstjórn megi hvergi hvika og að halda áfram með að koma efnahagsstefnu stjórnvalda til framkvæmda.

Hæstiréttur Ítalíu staðfesti í síðustu viku fangelsisdóm sem Berlusconi hlaut í undirrétti í október sl. 

Í október á hinn 76 ára gamli Berlusconi að hefja afplánun í eitt ár. Samkvæmt ítölskum lögum þurfa þeir sem eru orðnir 75 ára og eldri sjaldnast að afplána innan fangelsismúra og að öllum líkindum þarf hann að sitja í stofufangelsi eða sinna samfélagsþjónustu.

Tengdar fréttir

Berlusconi

Börn Berlusconis berjast um völdin

• „Fólk ýmist elskaði hann eða hataði“
• Harmar fráfall „sanns vinar“
• Umdeildur glaumgosi hverfur á braut
• Silvio Berlusconi er látinn

» Fleiri tengdar fréttir

• 1 blogg um fréttina

Bloggað um fréttina

• Kristbjörn Árnason: Svona viðbrögð geta ekki komið á óvart á Íslandi