Fulltrúar norska Verkamannaflokksins staðfestu í gær að fimm þeirra farþega sem sátu í leigubíl sem Jens Stoltenberg, forsætisráðherra Noregs ók, hafi fengið greitt fyrir. Um var að ræða lið í kosningabaráttu flokksins.

Myndbandið fór eins og eldur í sinu um netið

Stoltenberg vakti mikla athygli þegar hann setti sig í hlutverk leigubílstjóra, og sagði hann það góða leið til þess að hlusta á raddir fólksins.

Norska dagblaðið Verdens gang fór á stúfana í kjölfarið og komst að því að fimm farþeganna fengu greiddar 500 norskar krónur hver fyrir að taka þátt í gerð myndbandsins. Hinir voru valdir af handahófi af götunni. Um var að ræða gjörning sem auglýsingastofa skipulagði vegna þingkosninganna sem fara fram 9. september. Stoltenberg sjálfur segist ekki hafa haft vitneskju um að fólkið hafi fengið greitt fyrir þátttöku.

Sjá einnig: Jens Stoltenberg keyrir leigubíl

Tengdar fréttir

Þingkosningar í Noregi

Boðið að taka við öðrum flokki

• Ný ríkisstjórn tekur við völdum
• Stjórnarsáttmáli í höfn í Noregi
• Varaformaðurinn fær ekki ráðherrastól
• „Sögulegt stjórnarsamstarf“ í Noregi

» Fleiri tengdar fréttir

• 3 blogg um fréttina

Bloggað um fréttina

• Heimir Lárusson Fjeldsted: Hallærislegt
• S i g u r ð u r S i g u r ð a r s o n: Flett ofan af viðkunnalegri mynd
• Jóhann Elíasson: ERU VINNUBRÖGÐ SÓSÍALDEMÓKRATA Í ÖLLUM LÖNDUM Í ÞESSA VERU???