Samkynhneigðir eiga mjög undir högg að sækja í Rússlandi um þessar mundir, en umdeild lagasetning gekk í gildi á dögunum sem leggur háar fésektir við „samkynhneigðum áróðri“ til ungmenna.

Fjölmiðlamaðurinn Dmitrí Kisilev, aðstoðarforstjóri rússneska ríkissjónvarpsins og stjórnandi vinsælasta fréttaþáttar landsins, Vesiti, sagðist í þætti sínum ekki telja lagasetninguna ganga nógu langt.

Þetta kemur fram í frétt Huffington Post.

„Samkynhneigðum ætti að vera óheimilt að gefa blóð og sæði,“ sagði Kisilev. „Ef þeir lenda í slysi ættu hjörtu þeirra að vera grafin eða brennd því þeir eru ekki hæfir til áframhaldandi lífs.“

Samkvæmt heimildum mbl.is mun Kisilev hafa verið að vitna í reglur matvæla- og lyfjaeftirlits Bandaríkjanna, þar sem lagt sé bann við blóð- og líffæragjöf samkynhneigðra. Hann mun því hafa átt við að hjörtu samkynhneigðra sem látast í slysum séu ekki hæf til þess að veita öðrum áframhaldandi líf, þ.e. með líffæragjöf.

Var þessum orðum Kisilev fagnað ákaft af áhorfendum.

Myndbandið af ræðu Kisilev ásamt þýðingu má sjá hér að neðan.

Tengdar fréttir

Réttindabarátta hinsegin fólks

Kynhlutlausa táknið gæti fæðst á Íslandi

• Vitundarvakning þolir enga bið
• Mjög alvarlegt ef um hatursglæp er að ræða
• Stenst stjórnarskrá að banna samkynja hjónabönd
• Stjórnvöld brjóta stjórnarskrávarinn rétt fólks

» Fleiri tengdar fréttir

• 3 blogg um fréttina

Bloggað um fréttina

• Ómar Ragnarsson: Hvert getur kenningin um"óæðra" fólk leitt menn?
• Júlíus Már Baldursson: Heimskur,heimskari,heimskastur.........
• Ásgrímur Hartmannsson: Samkynhneigð = vampírismi?