Kjarreldar ógna vatnsbóli San Francisco-borgar

Miklir kjarr- og skógareldar loga í nágrenni Yosemite-þjóðgarðsins í Bandaríkjunum. Eldarnir ógna bæði garðinum og einu aðalvatnsbóli San Francisco-borgar í Kaliforníu.

Eldarnir kviknuðu fyrir níu dögum. Að sögn yfirvalda í Kaliforníu er þetta 13. mesti eldsvoði í ríkinu, eða frá því skráningar hófust. 

Eldarnir nálgast nú Hetch Hetchy vatnsbólsins, sem er helsta uppspretta drykkjarvatns fyrir íbúa við San Francisco-flóa, sem er um 320 km til vesturs. Þar búa um 2,6 milljónir manna.

Stórt landsvæði, um það bil 60.000 hektarar, er nú sviðin jörð. Slökkviliðsmenn hafa nú náð tökum á um það bil 15% svæðisins. 

Margir íbúar hafa orðið að yfirgefa heimili sín en eldarnir ógna nú um 4.500 húsum. Menn óttast að hvassviðri muni torvelda mjög slökkvistarfið. 

• 1 blogg um fréttina

Bloggað um fréttina

• Ómar Ragnarsson: Athyglisverð vatnsveita.