Bandaríkjamenn fresta fundi með Rússum
Setja bókamerki
Stjórnvöld í Bandaríkjunum tilkynntu í morgun að þau hefðu ákveðið að fresta fundi með Rússum um ástandið í Sýrlandi. Rússar segjast harma þessa ákvörðun. Rússar eru algerlega andvígir hernaðarlegum afskiptum Vesturlanda af stríðinu í Sýrlandi.
Wendy Sherman, aðstoðarutanríkisráðherra Bandaríkjanna og Robert Ford sendiherra áttu að hitta sendinefnd frá Rússlandi í Haag í Hollandi í vikunni til að ræða viðbrögð við efnavopnaárásum í Sýrlandi. Ekkert verður hins vegar af fundinum.
Rússar hafa gagnrýnt hugmyndir um að Vesturlönd blönduðu sér inn í stríðið í Sýrlandi án aðkomu Sameinuðu þjóðanna. Ástæða þess að stjórnvöld í Bandaríkjunum, Bretlandi, Frakklandi og fleiri löndum ræða um hernaðarafskipti án þess að leita eftir samþykki SÞ er sú að vitað er að bæði Rússar og Kínverjar munu beita neitunarvaldi til að koma í veg fyrir að SÞ heimili árásir á Sýrland.
Þarf að koma til móts við ólíkar þarfir lækna
Vegirnir voru eins og borðstofuborð
Varnargarðar hækkaðir um 3 til 4 metra
Í kappi við tímann að reyna að afstýra verkfalli
Gasmengun gæti borist yfir höfuðborgarsvæðið
77 ár á milli þess elsta og yngsta
Hulda saksóknari: „Tökum þetta ekki til greina“