Utanríkisráðherra Bandaríkjanna segir að 1.429 hafi látist í efnavopnaárás sýrlenskra hersveita í nágrenni Damaskus í síðustu viku.

John Kerry segir ennfremur, að 426 börn hafi verið á meðal þeirra sem létust. Kerry segir að árásin sé „ótrúlegur hryllingur“.

Bandaríkjastjórn hvetur nú önnur ríki til að sameinast gegn sýrlenskum stjórnvöldum í þeim tilgangi að koma í veg fyrir frekari efnavopnaárásir. 

Ríkisstjórn Assads Sýrlandsforseta neitar sök og vísar á uppreisnarmenn. 

Upphaflega var talað um að 355 hefðu látist í árásinni sem átti sér stað í Damaskus 21. ágúst sl.

Kerry segir aftur á móti að Bandaríkin hafi sannanir undir höndum sem sýni að 1.429 hafi beðið bana í árásinni. Hann bætir því við að stjórnarhersveitirnar hafi undirbúið aðgerðina þremur dögum fyrr.

„Við vitum að flugskeyti komu frá svæðum sem eru undir stjórn stjórnarhersins og að þau lentu aðeins á svæðum sem tilheyra stjórnarandstæðingum,“ sagði Kerry. 

„Þetta vitum við; leyniþjónusta Bandaríkjanna er viss í sinni sök,“ bætti ráðherrann við.

John Kerry, utanríkisráðherra Bandaríkjanna, heldur nú blaðamannafund í Washington þar sem hann greinir frá upplýsingum sem bandarísk yfirvöld hafa undir höndum varðandi efnavopnaárásina í Damaskus. AFP

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Obama hefur ekkert val