Seldu barnið og keyptu iPhone

Ungt kínverskt par hefur verið ákært fyrir að selja barn sitt og kaupa iPhone fyrir peninginn.

Ríkissaksóknari í Shanghai segir að fólkið hafi boðið barn sitt til sölu á netinu en þetta er þeirra þriðja barn.

Við rannsókn málsins kom í ljós að móðirin notaði peninginn sem hún fékk fyrir barnið til að kaupa sér nýjan síma, rándýra íþróttaskó og annan varning.

Snjallsímar og aðrar vörur Apple eru gríðarlega vinsælar í Kína. Nýverið kom upp mál þar sem unglingur seldi nýra sitt til að kaupa sér iPhone og iPad.

Foreldrarnir segjast ekki hafa haft efni á að veita barni sínu þá framtíð sem þeim fannst það eiga skilið. Þeir hafi því haft hagsmuni stúlkunnar litlu að leiðarljósi.

• 1 blogg um fréttina

Bloggað um fréttina

• Wilhelm Emilsson: Með markaðsfrelsið að leiðarljósi