Erlent | mbl | 22.11.2013 | 20:49 | Uppfært 22:35

„Ég var því miður aðeins of seinn“

Mynd 1 af 17 Rós á leiði Kennedys í Arlington kirkjugarðinum. CHIP SOMODEVILLA

Mynd 2 af 17 Fyrrverandi hermenn votta John F. Kennedy virðingu sína í Arington kirkjugarðinum. AFP

Mynd 3 af 17 Kerti brennur á leiði forsetans. CHIP SOMODEVILLA

Mynd 4 af 17 Fólk hefur streymt að leiði forsetans í allan dag. AFP

Mynd 5 af 17 Minningarreitur er í Fort Worth í Texas, en Kennedy gisti í borginni nóttina áður en hann lést. TOM PENNINGTON

Mynd 6 af 17 Stytta af Kennedy í Fort Worth. TOM PENNINGTON

Mynd 7 af 17 Jean Kennedy Smith sendiherra og systir John F. Kennedys heimsótti leiði bróður síns í dag. CHIP SOMODEVILLA

Mynd 8 af 17 Gestur vottar Kennedy virðingu sína í Arlington kirkjugarðinum. CHIP SOMODEVILLA

Mynd 9 af 17 Hermenn ganga fram hjá leiði forsetans. CHIP SOMODEVILLA

Mynd 10 af 17 Hermenn við leiði John F. Kennedys. CHIP SOMODEVILLA

Mynd 11 af 17 Fánar voru í hálfa stöng í Washington. MARK WILSON

Mynd 12 af 17 Blóm við Dealey Plaza í Dallas þar sem Kennedy var myrtur. TOM PENNINGTON

Mynd 13 af 17 Þeir sem heimsóttu Dallas í dag gátu keypt blöð sem helguð voru minningu John F. Kennedys. TOM PENNINGTON

Mynd 14 af 17 Eric Holder dómsmálaráðherra Bandaríkjanna var einn þeirra sem lagði leið sína að grafreit Kennedys í dag. JACQUELYN MARTIN

Mynd 15 af 17 Þessi mynd var tekin í safni í Washington þar sem er sýning um Kennedy. MARK WILSON

Mynd 16 af 17 Það var rigning í Dallas síðdegis þegar minningarathöfn fór fram um Kennedy. TOM PENNINGTON

Mynd 17 af 17 Í Dallas gat fólk séð myndskeið af Kennedy við ýmis tækifæri. TOM PENNINGTON

„Ég var því miður aðeins of seinn,“ segir Clint Hill, lífvörður Jackie Kennedy, sem reyndi að bjarga lífi John F. Kennedy með því að henda sér yfir hann. Áður honum tókst það hafði morðinginn náð að skjóta þriðja skotinu, en það hitti forsetann í höfuðið.

Hill var lífvörður Jackie Kennedy, en hann stóð í bílnum sem fylgdi forsetabifreiðinni þegar henni var ekið inn í miðborg Dallas 22. nóvember 1963.

„Ég heyrði skothvell og leit við og sá hvað var að gerast í forsetabílnum. Ég sá að forsetinn greip um hálsinn og snéri sér til vinstri. Ég gerði mér strax grein fyrir að við stóðum frammi fyrir vandamáli og stökk af bílnum og hljóp að frú Kennedy og reyndi að klifra upp á bílinn til að reyna að búa til skjól og verja þau þannig fyrir frekari tjóni. Því miður var hleypt af þriðja skotinu og það reyndist vera banvænt,“ segir Hill þegar hann rifjar það sem gerðist við þennan örlagaríka dag.

Þegar Hill er spurður hvernig honum hafi tekist að komast upp í forsetabílinn sem var á talsverðri ferð svarar hann: „Ég veit það ekki almennilega sjálfur.“

Þegar bíll forsetans kom á Parkland-sjúkrahúsið í Dallas neitaði Jackie Kennedy að sleppa hendinni af eiginmanni sínum. Hill sagði að hann hefði fljótlega áttað sig á að hún gat ekki hugsað sér að fólk gæti horft á forsetann vegna þess hversu skelfilega var fyrir honum komið. Hill sagðist því hafa farið úr jakkanum og lagt hann yfir höfuð Kennedys. Þá hefði Jackie leyft sjúkraflutningamönnum að bera hann inn í sjúkrahúsið.

Margir trúa enn samsæriskenningum