Sextán ára piltur lést í miðju flugi

Sextán ára bandarískur piltur á leið frá Seattle til Atlanta með flugfélaginu Delta lést um hálfri klukkustund eftir flugtak. Pilturinn var á ferðalagi með móður sinni, á leið til fjölskyldu þeirra í Atlanta til að halda með henni jólahátíðina. Ekki hefur verið upplýst úr hverju pilturinn lést.

Flugvélinni var beint til Spokane þegar pilturinn sýndi merki alvarlegra veikinda. Þar tóku sjúkraliðar á móti honum en hjarta hans var þá þegar hætt að slá og lífgunaraðgerðir báru engan árangur.

Samkvæmt því sem kemur fram í bandarískum miðlum átti pilturinn að baki nokkuð langa sjúkrasögu, en ekki hefur verið greint frá því hvaða veikindi það voru sem hrjáðu piltinn.

• 1 blogg um fréttina

Bloggað um fréttina

• Jóhann Kristinsson: Skrítin fyrirsögn