Fengu ekki rétt hjarta eftir krufningu

Foreldrar bandarísks sjóliða hafa nú höfðað mál á hendur grísku ríkisstjórninni og spítala í Aþenu á Grikklandi. Þegar þau fengu lík sonar síns til baka eftir krufningu vantaði hjartað í líkið. Hafa þau einnig stefnt varnarmálaráðuneyti Bandaríkjanna. Sky-sjónvarpsstöðin greinir frá þessu.

Yfirvöld segja að ungi maðurinn, var 21 árs þegar hann lét lífið, hafi skotið sjálfan sig í veislu í bandarísku sendiráði á síðasta ári. Krufning var gerð á spítala í Aþenu og var hjartað fjarlægt úr líkinu að sögn talsmanns bandaríska sendiráðsins á Grikklandi. Hann vildi aftur á móti ekki greina frá því hvert var farið með hjartað.

Foreldrar unga mannsins segja að þau hafi síðar fengið hjarta, en það hafi þó ekki verið hjarta sonar þeirra.

• 1 blogg um fréttina

Bloggað um fréttina

• Ragnar Kristján Gestsson: Hver setur læknavísindunum aðhald?