Eltu ökumann og skutu hann

Lögreglumenn í Bandaríkjunum skutu ökumann bifreiðar sem þeir höfðu elt um þrjú lögregluumdæmi í um klukkustund. Eftirförin endaði með því að maðurinn ók bifreið sinni á annan bíl.

Á vef Sky-sjónvarpsstöðvarinnar má sjá myndskeið þar sem ökumaðurinn sést fara út úr Corvette-bíl sínum og grípa svo um magann. Hann féll svo í götuna eftir að lögreglumennirnir hófu að skjóta á hann.

Sky hefur ekki heimildir um líðan mannsins sem var fluttur á sjúkrahús.

Eftirförin endaði í Los Angeles er ökumaðurinn ók á bíl á gatnamótum.

Eftirförin var sýnd í beinni útsendingu og hér að neðan má sjá myndskeið af atburðinum.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Bandaríkjamenn eru dýravinir ...