Rodman til N-Kóreu enn á ný
Setja bókamerki
Bandaríski körfuboltakappinn Dennis Rodman er að fara enn og aftur til Norður-Kóreu. Nú er tilgangur ferðarinnar að þjálfa landsliðið í körfubolta en alls mun hann dvelja í fimm daga í landinu í þetta skiptið.
Rodman var síðast í Norður-Kóreu í september og segir hann að leiðtogi landsins, Kim Jong-un, og hann séu vinir að eilífu.
Bandaríska utanríkisráðuneytið segir að Rodman sé ekki á vegum bandarískra yfirvalda í N-Kóreu, samkvæmt frétt breska ríkisútvarpsins. Einungis vika er síðan frændi Kim var tekinn af lífi.
Rodman ræddi við fjölmiðla á flugvellinum í Peking í Kína í morgun og sagði þeim að hann hefði ekkert með stjórnmál að gera. „Ég er bara að fara þangað til þess að spila nokkra körfuboltaleiki og skemmta mér,“ segir Rodman í viðtali við Reuters í morgun.
Hann mun einnig vera að skipuleggja vináttuleik í körfubolta á milli landsliðs N-Kóreu og hóps fyrrum NBA leikmanna þann 8. janúar, á afmælisdegi Kim.
Enginn jafn þekktur Bandaríkjamaður hefur hitt Kim frá því að hann tók við völdum af föður sínum árið 2011. Í september eyddi hann tíma með Kim og eiginkonu hans, Ri Sol-ju. Greindi hann frá því eftir ferðina að dóttir þeirra væri kölluð Ju-ae.
Ása Ellerup flutt út og ætlar að selja húsið
Dregið úr gosóróa
Vegirnir voru eins og borðstofuborð
„Höfum sloppið bærilega með skaða af þessu gosi“
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Þarf að koma til móts við ólíkar þarfir lækna