Ekki sammála um tilurð heimsins

Einn þriðji Bandaríkjamanna hafnar þróunarkenningunni og trúir því að maðurinn hafi verið til í þeirri mynd sem hann er nú í frá upphafi. Þetta kemur fram í niðurstöðum nýrrar könnunar sem AFP-fréttastofan birtir. 

Um fjórðungur Bandaríkjamanna trúir því að guð hafi skapað heiminn en um 32% af þeim sem spurðir voru trúa því að þróunin komi til vegna eðlilegt ferlis, líkt og náttúruvals. Þetta kemur fram í frétt AFP-fréttastofunnar.

54% repúblikana og 64% demókrata sögðust árið 2009 trúa á þróunarkenninguna. Í niðurstöðum könnunarinnar sem birt var nýlega kemur fram að 43% repúblikana séu hlynntir þróunarkenningunni en 67% demókrata.

Lengi hefur verið deilt um þróunarkenninguna í Bandaríkjunum en ekki eru allir sammála um hvað skuli kennt í skólum landsins. 

• 1 blogg um fréttina

Bloggað um fréttina

• Wilhelm Emilsson: Frelsi til að trúa