Enn er mikið mannfall í Sýrlandi
Setja bókamerki
Tæplega 500 hafa látið lífið í átökum í Sýrlandi það sem af er þessari viku í bardögum herliðs uppreisnarmanna og herskárra íslamista, ISIL, þar af 85 óbreyttir borgarar. Flestir hinna látnu eru uppreisnarmenn.
Þetta kemur fram í fréttatilkynningu frá samtökunum Syrian Observatory for Human Rights.
Hópar uppreisnarmanna hafa sameinast gegn ISIL og segja íslamistana fremja hræðileg grimmdarverk.
42 voru teknir af lífi af ISIL í borginni Aleppo og uppreisnarmenn tóku 47 liðsmenn ISIL af lífi, aðallega í borginni Idlib sem er í norðvesturhluta landsins. Í tilkynningunni segir að líklegt sé að enn fleiri hafi látið lífið, en illgjörningur sé að skrá öll dauðsföll vegna ástandsins í landinu. Þar er þess krafist að alþjóðlegur dómstóll fjalli um þau voðaverk sem framin séu í landinu.
Uppreisnarmenn hafa nú á valdi sínu mestan hluta byggðar í Aleppo og Idlib.
„Svindlherferðir eru að færast í aukana“
Tilfellum RS-veiru fjölgar verulega
„Átti von á fleiri útköllum“
Innanlandsflug liggur niðri
„Á allt sitt undir því að njóta trausts almennings“
Leiðindaveður yfir jólahátíðina
Ríkisstjórnin ekki beint á leiðinni í jólafrí