Átök hafa brotist út á milli lögreglu og mótmælenda í Kænugarði, höfuðborg Úkraínu.

Fyrstu fréttir AFP-fréttastofunnar og BBC herma að lögreglan sé að brjóta niður vegtálma mótmælenda. Haft er eftir mótmælendum að lögregla hafi skotið einn til bana.

Lögreglan kom inn á svæðið þar sem mótmælendur halda til á Grushevsky stræti upp úr klukkan sex í morgun og kom þegar til átaka milli mótmælenda og lögreglu.

Læknar, sem eru meðal mótmælenda, staðfesta að einn hafi látist af völdum skotsárs.

Í gær tóku gildi lög sem banna mótmæli í Úkraínu en allt frá því í nóvember hafa tugir eða hundruð þúsunda mótmælenda komið saman í Kænugarði til þess að mótmæla forseta og stjórn landsins.

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞETTA ER BARA LÖNGU HÆTT AÐ VERA FYNDIÐ..