600 veikir á skemmtiferðaskipi

Talið er að meira en sex hundruð farþegar skemmtiferðaskipsins Explorer of the Seas hafi veikst þegar hugsanleg nóróveirusýking kom upp. Skipið er nú á leið til hafnar á Bandarísku Jómfrúaeyjum. Ferðalagið átti að standa í tíu daga en hefur nú verið stytt um tvo vegna veikindanna að því er kemur fram í frétt CNN.

Farþegar og skipverjar hafa þjáðst af uppköstum og magakveisu. Skipið fór frá Cape Liberty í New Jersey og átti lokaáfangastaður þess að vera St. Marteen. Rúmlega 3.000 farþegar voru um borð í skipinu og rúmlega 1.000 í áhöfn.

• Blogga um frétt