Hillary Clinton, fyrrverandi utanríkisráðherra Bandaríkjanna, hefur líkt aðgerðum Vladímírs Pútíns, forseta Rússlands, við hernaðaríhlutun Adolfs Hitlers á fjórða áratugi síðustu aldar.

Á einkafundi í suðurhluta Kaliforníu í dag sagði hún að hernaðarbrölt vopnaðra rússneskra hersveita í Úkraínu til að verja rússneska borgara og rússneskumælandi íbúa í Úkraínu minnti hana á hernaðarárásir Hitlers til að verja Þjóðverja sem voru búsettir fyrir utan Þýskaland á sínum tíma.

Fréttavefurinn The Long Beach Press Telegram greindi frá málinu. Samkvæmt fréttinni átti Clinton einnig að hafa sagt á fundinum að Pútín hefði veitt þeim Úkraínumönnum, sem eru hallir undir Rússa, rússneskt vegabréf.

Líklegt er talið að Clinton bjóði sig fram í forsetakosningunum í Bandaríkjunum árið 2016 en hún nýtur víðtæks stuðnings innan Demókrataflokksins.

Tengdar fréttir

Úkraína

Svíar virða ögranir Rússa að vettugi

• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur
• Segir að friði verði aðeins náð með afli

» Fleiri tengdar fréttir

• 2 blogg um fréttina

Bloggað um fréttina

• G. Tómas Gunnarsson: Nýjasta skipið í Rússneska flotanum í prufusiglingu við Frakkland í …
• Ómar Ragnarsson: Mismunandi taktik stórveldanna eftir aðstæðum.