Íbúar á Krímskaga munu 16. mars kjósa um hvort svæðið eigi að sameinast Rússlandi. Krímskagi tilheyrir Úkraínu í dag. Stjórnvöld á Krímskaga hafa farið þess á leit við Vladimír Pútín Rússlandsforseta að hann skoði mögulega sameiningu.

„Þing Krímskaga hefur sett fram tillögu um að Krímskagi sameinist Rússlandi. Það hefur beðið rússneska forsetann og þingið að skoða þessa beiðni,“ segir þingmaðurinn Grigoriy Ioffe við AFP-fréttastofuna.

Undanfarna daga hafa rússneskar hersveitir í raun haft völdin á skaganum. Stjórnvöld í Rússlandi neita hins vegar að þessar sveitir séu á þeirra vegum og taki við skipunum frá Kreml.

Rússar hafa haft herstöðvar á Krímskaga samkvæmt samkomulagi við Úkraínu. 

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

• 1 blogg um fréttina

Bloggað um fréttina

• Heimir Lárusson Fjeldsted: Þegar ákveðið