Hópur vestrænna ríkja íhugar nú að leggja ályktun fyrir Öryggisráð Sameinuðu þjóðanna þar sem fyrirhuguð atkvæðagreiðsla á Krímskaga um sameiningu við Rússland verður fordæmd. Nokkuð ljóst þykir að Rússar muni beita neitunarvaldi sínu gegn ályktuninni.

Halda á atkvæðagreiðsluna á sunnudaginn og verði sameiningin við Rússland samþykkt er líklegt að af henni verði fljótlega. Stjórnvöld í Úkraínu og fjölmörg önnur ríki segja atkvæðagreiðsluna brjóta gegn alþjóðasamþykktum og hvetja Vladimír Pútín, forseta Rússlands, til að innlima ekki Krímskaga.

Í ályktuninni yrði lögð áhersla á fullveldi Úkraínu og yfirráð ríkisins yfir Krímskaga.

Öryggisráðið hefur nú fundað fimm sinnum um ástand mála á Krímskaga. Þar hafa fulltrúar Kína, eins helsta bandamanns Rússlands, ítrekað að ekki beri að blanda sér í innanríkismál einstakra ríkja.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Ágæt grein Ögmundar Jónassonar um Úkraínu