Lögreglan í Malasíu hefur í dag leitað á heimilum flugstjórans og aðstoðarflugmannsins sem flugu flugvélinni sem hvarf fyrir einni viku. Lögreglan er að kanna hvort eitthvað í persónulegu lífi þeirra getur útskýrt hvers vegna vélin hvarf.

Lögreglan hóf leit á heimilum flugmannanna skömmu áður en en Najib Razak, forsætisráðherra Malasíu, hélt blaðamannafund í dag þar sem hann sagði að vélinni hefði verið vísvitandi snúið við og að slökkt hefði verið á fjarskiptabúnaði hennar.

Flugstjóri flugvélarinnar heitir Zaharie Ahmad Shah. Hann er 53 ára gamall og hefur starfað hjá Malaysia Airlines í yfir 30 ár. Fariq Abdul Hamid, aðstoðarflugmaður, er 27 ára gamall og hefur starfað hjá flugfélaginu síðan 2007.

Lögreglan ætlar að afla ítarlegra upplýsinga um flugmennina, m.a. um skoðanir þeirra á stjórnmálum og trúmálum. Einnig áhugamál þeirra og hvort þeir hafi sagt eitthvað við vini sína sem getur gefið vísbendingar um hvað gerðist í flugferð vélarinnar um síðustu helgi.

Tengdar fréttir

Malasískrar farþegaþotu saknað

„Mér er sama um peningana“

• Reiðir ættingjar gengu út
• „Getum ekki leitað að eilífu“
• Leit hætt án árangurs
• Leit að MH370 hætt í næstu viku

» Fleiri tengdar fréttir

• 1 blogg um fréttina

Bloggað um fréttina

• Sigurður Antonsson: Ótrúlegt flugvélahvarf