Ráðist inn í herstöð á Krímskaga
Setja bókamerki
Rússnesk hersveit réðst inn í úkraínsku herstöðina Belbek, við borgina Sevastopol á Krímskaga, í dag. Hermennirnir keyrðu niður hlið herstöðvarinnar á brimvörðum bifreiðum og skutu úr hríðskotabyssum út í loftið eftir að úkraínskir hermenn á herstöðinni neituðu að gefast upp.
Að minnsta kosti einn úkraínskur hermaður slasaðist í árásinni.
Fréttamaður AFP var á staðnum og sagði hann árásarmennina hafa miðað byssum sínum að úkraínsku hermönnunum, sem allir voru óvopnaðir. Að því loknu var myndavél sem beinist að inngangi herstöðvarinnar gerð óvirk.
Á heimasíðu herstöðvarinnar sagði fyrr í dag að hermönnum þar hefðu verið settir úrslitakostir frá rússneskum hersveitum, þ.e. að annaðhvort myndu þeir leggja niður vopn sín og gefast upp eða búa sig undir árás.
Í síðustu viku skutu stuðningsmenn Rússlands úkraínskan hermann til bana á sömu herstöð.
Fyrr í dag réðust um tvö hundruð stuðningsmenn Rússlands inn í herstöð úkraínska flughersins við bæinn Novofedorivka á Krímskaga. Hópurinn var óvopnaður en braut allt og bramlaði að sögn fréttamanns AFP sem er á staðnum.
Ekki vandamál að vera karlmaður
Reiðubúin að aflýsa verkföllum í fjórum leikskólum
Sólveig Anna furðar sig á aðferðum kennara
Dómur þyngdur um þrjú ár
Pútín reynir allt til að forðast aðra herkvaðningu
Vika í kosningar: Þetta segja kannanir
Hraun kemur úr þremur gígum: Virknin stöðug
