Malasísk yfirvöld greindu frá því fyrir stundu að borist hefðu nýjar gervihnattamyndir frá Frakklandi, sem sýna fljótandi hluti á hafsvæðinu þar sem leitað er að farþegaflugvél Malaysian Airlines.

Áður höfðu Ástralir og Kínverjar séð hluti á gervihnattamyndum sem talið er hugsanlegt að geti verið brak úr flugvélinni.

Áströlsk yfirvöld hafa fengið myndirnar í sínar hendur, en þau annast skipulagningu og samhæfingu leitar á svæðinu, sem er afar afskekkt um 2.500 km suðvestur af Perth.

Ekkert hefur verið gefið upp um fjölda, stærð eða nákvæma staðfestingu hlutanna á frönsku gervihnattamyndunum.

Í gær voru þrjár vikur liðnar síðan flug MH370 hvarf af ratsjá með 239 manns um borð á leið frá Kuala Lumpur til Peking. 25 lönd taka þátt í leitinni. Leitað er úr lofti í átta flugvélum í dag á um 59.000 ferkílómetra svæði. Auk þess fer leitarteymi yfir mikinn fjölda gervihnattamynda.

Tengdar fréttir

Malasískrar farþegaþotu saknað

„Mér er sama um peningana“

• Reiðir ættingjar gengu út
• „Getum ekki leitað að eilífu“
• Leit hætt án árangurs
• Leit að MH370 hætt í næstu viku

» Fleiri tengdar fréttir

• 1 blogg um fréttina

Bloggað um fréttina

• Ásgrímur Hartmannsson: Ég fann hluti í garðinum hjá mér