Leiðtogar sjö helstu efnahagsvelda heims hafa ákveðið að Rússar fái ekki að vera með í G8-ríkjahópnum - sem áður taldi átta helstu efnahagsveldi heimsins. Á fundi ríkjahópsins sem þá nefnist G7 var einnig ákveðið að herða viðskiptaþvinganir ef Rússum tekst ekki að lægja öldurnar í samskiptum sínum við Úkraínu.

Eins og greint var frá á mbl.is fyrr í dag sagði Sergei Lavrov, utanríkisráðherra Rússlands, að það væri ekkert stórmál fyrir Rússa þótt þeim væri gert að víkja úr G8. „Ef félagar okkar á Vesturlöndum halda að þetta fyrirkomulag eigi ekki við lengur þá er það bara þannig. Í öllu falli erum við ekki að reyna að halda í það og það væri ekkert stórmál fyrir okkur þó að G8-ríkin hættu að hittast,“ sagði Lavrov.

Á sama tíma funduðu leiðtogar G7-ríkjanna, þ.e. Bandaríkjanna, Japans, Þýskalands, Ítalíu, Frakklands, Kanada og Bretlands, um hvort vísa ætti Rússum úr hópnum og frekari refsiaðgerðir.

Eftir fundinn var gefið út að Rússum hafi verið vikið úr samstarfinu auk þess sem atkvæðagreiðslan í Krím var fordæmd, enda brjóti hún gegn stjórnarskrá Úkraínu.

Tengdar fréttir

Úkraína

Munu hefja fjöldaframleiðslu á eldflaugunum

• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Það vantar Kína og jafnvel fleiri lönd.