Tóku síðasta úkraínska skipið
Setja bókamerki
Rússneskir hermenn réðust um borð í síðasta úkraínska herskipið á Krímskaga sem flaggaði fána Úkraínu. Um var að ræða vopnaðan togara sem ber heitið Cherkasy. Áður höfðu rússneskir hermenn tekið með valdi herskipið Kostyantyn Olshanskiy. Þetta kom fram í tilkynningu frá úkraínska varnarmálaráðuneytinu í dag.
Fram kemur í frétt AFP að rússnesk herskip hafi komið í veg fyrir að úkraínsku skipin gætu komist undan samkvæmt tilkynningunni. Þar sagði ennfremur að áhöfn Cherkasy hefði verið tekin höndum. Togarinn hefði verið umkringdur af Mi-35-árásarþyrlum og nokkrum minni skipum.
Ríkisstjórn Úkraínu fyrirskipaði úkraínska heraflanum á Krímskaga að yfirgefa svæðið í gær í kjölfar þess að Rússland innlimaði það formlega. Rússneskir hermenn og sveitir heimamanna hlynntar rússneskum stjórnvöldum ráða nú yfir nær öllum herstöðvum á Krímskaga.
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana
Lát hjóna í Neskaupstað: Ákæra gefin út
Ók á hóp fólks á jólamarkaði: Einn látinn
Funda með þingflokkum
Var engin kristnitaka árið 1000?
Fyrsti blaðamannafundurinn í heild sinni
