Vladimír Pútín, forseti Rússlands, hefur engar fyrirætlanir um að beita frekara hervaldi gegn Úkraínu. Þetta sagði Ban Ki-moon, framkvæmdastjóri Sameinuðu þjóðanna, við fréttamenn eftir að hafa fundað með Öryggisráði SÞ og greint því frá ferð sinni nýverið til Moskvu og Kænugarðs. Ki-moon sagði Pútín hafa fullvissað sig um að hann hefði ekkert slíkt í hyggju. 

Þetta kemur fram í fréttum AFP og einnig að Pútín hafi hringt í Barack Obama Bandaríkjaforseta í dag í því skyni að ræða við hann um tillögu sem Bandaríkjamenn hafa lagt fram til lausnar á stöðu mála í Úkraínu. Þetta kemur fram í tilkynningu frá Hvíta húsinu samkvæmt frétt AFP.

Fram kemur í fréttinni að Obama hafi lagt til að Rússar svöruðu með skriflegum hætti tillögunni sem John Kerry utanríkisráðherra Bandaríkjanna hafi kynnt fyrir Sergei Lavrov, utanríkisráðherra Rússlands, í Haag í Hollandi í síðustu viku. Gert er ráð fyrir að ráðherrarnir tveir hittist bráðlega til þess að ræða næstu skref.

Tengdar fréttir

Úkraína

Munu hefja fjöldaframleiðslu á eldflaugunum

• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Vonandi meira að marka loforð Pútíns en Hitlers.