Rússnesk stjórnvöld hafa engin áform um að senda hersveitir sínar yfir landmærin að Úkraínu. Þetta sagði Sergei Lavrov, utanríkisráðherra Rússlands, í viðtali við rússneska ríkisútvarpið í morgun. Þá hefðu Rússar og vestræn ríki færst nær lausn á málinu.

„Við höfum alls engin áform um að fara yfir úkraínsku landamærin eða áhuga á því,“ sagði Lavrov í viðtalinu. Með því virtist hann útiloka með afgerandi hætti innrás í Úkraínu samkvæmt frétt AFP í kjölfar þess að Rússar innlimuðu Krímskaga.

Þá sagði ráðherrann að minna bæri á milli í afstöðu Rússa og vestrænna ríkja til málsins en áður. Viðræður að undanförnu hefðu lagt grunninn að mögulegri sameiginlegri nálgun sem gæti í framhaldinu verið kynnt ráðamönnum í Úkraínu.

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• 2 blogg um fréttina

Bloggað um fréttina

• Gústaf Adolf Skúlason: Varar við að Pútín vilji taka Finnland
• Páll Vilhjálmsson: Pawel og pólska paranójan