Schauble segir jafnframt að yfirlýsingar Vladímir Pútíns, forseta Rússlands, um að nauðsynlegt sé að verja bæði Rússa og rússneskumælandi Krímbúa svipi til þess hvernig Adolf Hitler réttlætti útþenslustefnu Þjóðverja á sínum tíma.

Á fundi með grunnskólabörnum í þýska fjármálaráðuneytinu í morgun sagði hann að Hitler hefði beitt slíkum aðgerðum í Súdetaríkjunum, að því er segir í frétt AFP.

Hillary Clinton lét svipuð ummæli falla fyrir nokkrum vikum og var gagnrýnd harðlega fyrir. Aðspurð sagði Angela Merkel við þýska fjölmiðla í dag að hún væri ekki sammála ummælum fjármálaráðherrans. Hún ítrekaði þó að aðgerðir Rússa á Krímskaga brytu í bága við alþjóðalög.