Hundruð mótmælenda lögðu undir sig stjórnarbyggingu í borginni Donetsk í austurhluta Úkraínu í dag og hrópuðu hástöfum: „Donetsk er rússnesk borg!“

Þeir krefjast þess að yfirvöld boði til þjóðaratkvæðagreiðslu um innlimun borgarinnar í Rússland. Til átaka kom milli mótmælenda og lögreglu en ekki er talið að nein slys hafi orðið á fólki.

Mótmælafundir voru haldnir víða í Úkraínu í dag, þar á meðal í borgunum Lugansk og Kharkiv. Þar var sitjandi stjórnvöldum í Kænugarði, höfuðborg Úkraínu, mótmælt harðlega, en flestir mótmælendurnir eru stuðningsmenn ríkisstjórnar Vladímirs Pútíns, forseta Rússlands.

Forseti Úkraínu, Oleksandr Túrtsjínov, ákvað í dag að fresta för sinni til Litháens í ljósi ástandsins í Donetsk. Hann hefur jafnframt boðað til neyðarfundar meðal yfirmanna lögreglunnar og háttsettra embættismanna í landinu þar sem næstu skref verða rædd, að því er fram kemur í frétt AFP.

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Mikilvæg iðnaðarsvæði í austanverðri Úkraínu.