Malasísku flugvélinni, sem hvarf af ratsjá fyrir rúmum fjórum vikum, var flogið norður af Indónesíu og í kringum landhelgi Indónesíu á leiðinni að Indlandshafi. Þetta hefur CNN eftir hátt settum embættismanni malasísku ríkisstjórnarinnar.

Þessi ályktun var dregin eftir að rannsakendur máleins fengu upplýsingar frá ratsjám landa á svæðinu. Vélinni var því ekki flogið yfir Indónesíu eða inn í lofthelgi landsins. Samkvæmt heimildamanni CNN er mögulegt að vélinni hafi viljandi verið flogið þessa leið svo hún birtist síður á ratsjám.

Aukinn kraftur verður settur í leitina að vélinni í dag. Í gær og í fyrradag tókst kínverskum leitarflokkum að greina hljóðbylgjur sem mögulega eru frá flugrita vélarinnar.

Breskt herskip er nú á leiðinni á svæðið þar sem kínverska skipið heyrði hljóðin. Aftur á móti kannar ástralska herskipið Ocean Shield hljóð sem hafa heyrst á öðru svæði. Þetta sagði Angus Houston, yfirmaður ástralska hersins, á blaðamannafundi í morgun.

Tengdar fréttir

Malasískrar farþegaþotu saknað

„Mér er sama um peningana“

• Reiðir ættingjar gengu út
• „Getum ekki leitað að eilífu“
• Leit hætt án árangurs
• Leit að MH370 hætt í næstu viku

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Misvísandi fréttir. Blönduð orsök?
• Jónatan Karlsson: game over