Erlent | mbl | 12.4.2014 | 22:03 | Uppfært 13.4.2014 20:48

Joe Biden til Úkraínu

Vopnaðir menn hliðhollir Russum réðust inn í nokkrar opinberar byggingar í austurhluta Rússlands í dag. Búið er að hlaða götuvirki í borginni Donetsk. ANATOLII STEPANOV

Joe Biden, varaforseti Bandaríkjanna, ætlar að heimsækja Úkraínu 22. apríl nk. Þetta kom fram í tilkynningu frá Hvíta húsinu í kvöld. Í tilkynningunni segir að með þessu vilji stjórnvöld í Bandaríkjunum leggja áherslu á að þau styðji viðleitni valdamanna í Kænugarði við að tryggja öryggi sameinaðrar Úkraínu.

Til skotbardaga kom við lögreglustöð í borginni Kramatorsk í Úkraínu í dag. Þeim lauk með því að vopnaðir menn hliðhollir Rússum réðust inn í bygginguna og tóku þar völdin.

Vopnaðir menn hafa ráðist inn í nokkrar opinberar byggingar í borgum í austurhluta Úkraínu í dag. Stjórnvöld í Kænugarði hafa setið á fundi í kvöld til að ræða viðbrögð við þessum aðgerðum.

Atburðirnir í dag minna á það sem gerðist á Krímskaga í síðasta mánuði. Þar efndu stuðningsmenn Rússa til mótmæla og í framhaldi af því sendu Rússar hermenn til Krím til að tryggja öryggi rússneskra íbúa skagans.

Forseti Úkraínu boðar til neyðarfundar