Forseti Úkraínu hótaði í dag að grípa til hernaðaraðgerða í kjölfar þess að stuðningsmenn Rússa, sem tekið hafa yfir stjórnarbyggingar í austurhluta landsins,  neituðu að yfirgefa þær. Hópur uppreisnarmanna sem hliðhollir eru Rússum, réðust til atlögu við lögreglustöð á svæðinu í morgun.

Forsetinn Oleksander Turkinov sagði einnig koma til greina að efna til þjóðaratkvæðagreiðslu í austurhluta landsins, m.a. til að svara kröfum íbúanna þar, sem flestir tala rússnesku, um aukið sjálfræði.

Forsetinn hafði gefið stuðningsmönnum Rússa frest til  kl. 9 í morgun til að yfirgefa stjórnarbyggingarnar í borginni Slaviansk. Ekkert bendir til að þeir hafi farið að kröfum hans.

Í dag réðst að minnsta kosti 100 manna hópur að lögreglustöðinni í borginni Horlivka, samkvæmt frétt Reuters-fréttastofunnar. Einhverjir slösuðust í átökunum og voru sjúkrabílar á staðnum til að sinna slösuðum.

Forsetinn sagði að ef uppreisnarmennirnir myndu ekki leggja niður vopn yrði gripið til hernaðaraðgerða „til að koma á stöðugleika.“

Í kjölfar yfirlýsingar forseta Úkraínu hefur ótti við innrás Rússa á svæðið magnast. 

Stuðningsmenn Rússa mótmæla í austurhluta Úkraínu. AFP

Tengdar fréttir

Úkraína

Úkraína geti tapað stríðinu með skyndilausnum

• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð
• Viðræður komi í veg fyrir „eyðileggingu“ Úkraínu

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Þjóðernishyggja og skriðdrekar í Evrópu
• Gústaf Adolf Skúlason: Á barmi styrjaldar