Rússnesk stjórnvöld hafa gagnrýnt úkraínska ráðmenn harðlega vegna skotbardaga í austurhluta Úkraínu í morgun þrátt fyrir samkomulag sem gert var í Genf fyrir helgi um vopnahlé yfir páskahátíðina. Þrír vopnaðir menn hlynntir rússneskum stjórnvöldum féllu í skotbardaganum sem braust út við vegatálma skammt frá bænum Slavyansk. Einn maður úr hópi þeirra sem réðust á mennina féll einnig.

Fram kemur í tilkynningu frá rússneska utanríkisráðuneytinu að árásin feli í sér ögrun og sé til marks um lítinn áhuga ráðamanna í Kænugarði á að afvopna öfgaþjóðernissinna í röðum Úkraínumanna. Er þess krafist að úkraínsk stjórnvöld framfylgi vopnahlénu til hins ítrasta og skuldbindingum sínum um að draga úr spennu á svæðinu. Ráðuneytið fullyrti að öfgaþjóðernissinnar hefðu staðið að árásinni.

Tengdar fréttir

Úkraína

Munu hefja fjöldaframleiðslu á eldflaugunum

• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: "Ráðuneytið"?