Evrópusambandið samþykkti í dag refsiaðgerðir gegn fimmtán ráðamönnum í Rússlandi og Úkraínu vegna þeirrar stöðu sem er komin upp í ríkjunum. Heimildir AFP herma að sambandið hafi nú kyrrsett eignir ráðamannanna og sett þá jafnframt í farbann.

Heimildarmennirnir segja að embættismenn í Brussel telji þetta vera einu raunhæfa leiðina til að fá Rússa til að láta af aðgerðum sínum í Úkraínu.

Refsilistinn yfir viðkomandi einstaklinga verður líklegast gerður opinber á morgun, þriðjudag, að því er segir í frétt AFP.

Þar segir jafnframt að ákvörðunin hafi verið tekin á sameiginlegum fundi sendiherra allra 28 ríkja Evrópusambandsins í dag.

Bandarísk stjórnvöld tilkynntu í dag einnig um refsiaðgerðir, en aðgerðir þeirra beinast gegn sjö rússneskum embættismönnum og sautján fyrirtækjum sem tengjast öll valdahring Vladimírs Pútíns, forseta Rússlands. Í tilkynningu frá Hvíta húsinu sagði að gripið hefði verið til aðgerðanna til að refsa Rússum fyrir „ögrandi aðgerðir“ sínar í Úkraínu.

Í nokkrum bæjum í austurhluta landsins hafa aðskilnaðarsinnar hliðhollir Rússum lagt undir sig ýmsar opinberar byggingar. Þeir hafa neitað að yfirgefa byggingarnar, þrátt fyrir að þeim hafi verið gert að gera það samkvæmt samkomulagi sem Bandaríkjamenn, Evrópusambandið, Úkraínumenn og Rússar skrifuðu undir í Genf á skírdag.

Tengdar fréttir

Úkraína

Fimmtán ára fangelsi fyrir að aðstoða Rússa

• Fagnar sigri Sandu og vill sameinaða Evrópu
• Sigur Trumps neyði Evrópu til að breyta um stefnu
• Standa með Rússum þar til sigur vinnst
• Vísindamaður grunaður um að aðstoða Rússa

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Stríð skila (oft) jákvæðum árangri