Forsetakosningar í Úkraínu „verða ekki að veruleika“ í Donetsk-héraði, segir sjálfskipaður ríkisstjóri svæðisins, sem tilheyrir hópi aðskilnaðarsinna. Forsetakosningar eiga að fara fram í Úkraínu 25. maí. Vestræn ríki segja kosningarnar gríðarlega mikilvægar til að koma á friði í landinu.

Denis Pushilin, sjálfskipaður ríkisstjóri í „Lýðveldinu Donetsk“ eins og aðskilnaðarsinnar kalla það, segir að engar forsetakosningar muni fara þar fram. Þá segir hann ekki rétt sem fram hefur komið í fjölmiðlum að íbúar svæðisins muni kjósa inngöngu í Rússland í næstu viku. Íbúarnir hafa þegar kosið um aðskilnað frá Úkraínu. Mikill meirihluti kaus um helgina með aðskilnaði en nú er óljóst hvað verður í framhaldinu.

Kosningin um helgina var ólík þeirri sem fram fór á Krímskaga á dögunum. Þá var ljóst að héraðsstjórnin vildi sameinast Rússlandi. „Við vitum ekki hvað mun gerast, eða hver mun verða leiðtogi okkar,“ segir íbúi í samtali við AFP-fréttastofuna. 

Um 4,7 milljónir manna búa í Donetsk-héraði. 

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Er E-sprengjan áhrifaríkasta vopn samtímans?