Sneri við dauðadómi
Setja bókamerki
Hæstiréttur Kína sneri við dauðadómi yfir konu sem drap eiginmann sinn sem hafði beitt hana hrottalegu ofbeldi. Áður hafði hann beitt fyrri eiginkonur svipuðu ofbeldi.
Hefur hæstiréttur sent dóminn aftur í hérað í Sichuan en þar hafði Li Yan verið dæmd til dauða fyrir að hafa barið eiginmann sinn til dauða árið 2010. Málið hefur vakið upp spurningar um rétt eiginkvenna í Kína sem eru þolendur heimilisofbeldis af hálfu maka.
Árið 2009 giftist Li Tan Yong sem hafði áður gengið í skrokk á þremur fyrrverandi eiginkonum, samkvæmt upplýsingum frá mannréttindasamtökum sem hafa fylgst með málinu. Meðal þess sem Li fékk að kanna á af hálfu eiginmannsins var að hann sparkaði í hana og barði, slökkti í sígarettum á andliti hennar, læsti hana inni án matar og læsti hana úti á svölum í frosti. Eins klippti hann af henni fingur. Í nóvember 2010 réðst hann á hana með loftbyssu en þá var henni nóg boðið og hún barði hann til bana með byssuskeftinu.
Fæðuöryggi: „Áttum mat í þrjár vikur“
Auka aðgengi að Grindavík
77 ár á milli þess elsta og yngsta
Vilja 20 ára dóm í frönsku nauðgunarmáli
Ekki hægt að slá gosið út af borðinu strax
Þrír menn ruddust inn í íbúð í Vesturbænum
Íslensk kona handtekin á Tenerife eftir líkamsárás