Telja öryggi fylgja evrusvæðinu

Háttsettir embættismenn Póllands kölluðu eftir því í dag formleg umræða verði hafin í landinu á næsta ári um upptöku evrunnar þar í landi. Þar er um að ræða forseta Póllands, Bronislaw Komorowski, fjármálaráðherra þess, Mateusz Szczurek, og seðlabankastjóra, Marek Belka.

Fram kemur á fréttavefnum Euroserver.com að Pólverjum hafi ekki legið á að taka upp evruna til þessa en talið sé að innlimun Rússlands á Krímskaga hafi leitt til þess að stjórnvöld í Póllandi hafi litið svo á að ákveðið öryggi fælist í aðild að evrusvæðinu.

Pólverjar gengu í Evrópusambandið árið 2004 en samkvæmt inngönguskilmálum þeirra ber þeim að taka upp evruna þegar efnahagslegar aðstæður leyfa. Efnahagserfiðleikarnir á evrusvæðinu juku hins vegar ekki áhuga þeirra á að taka upp gjaldmiðilinn.

• 1 blogg um fréttina

Bloggað um fréttina

• Páll Vilhjálmsson: Fullveldi fórnað fyrir öryggi