Ísraelsher hefur hafið landhernað á Gaza gegn Hamas-samtökunum. Segir herinn þessa auknu sókn koma í kjölfar ítrekaðra flugskeytaárása frá Hamas. Fimm klukkustundavopnahléi lauk á svæðinu um hádegi í dag að íslenskum tíma. Um 230 Palestínumenn hafa nú þegar fallið í átökunum og einn Ísraelsmaður. 

Í frétt BBC segir að meðal þess sem verði gert í hernaðaraðgerð á jörðu niðri sé að eyðileggja göng sem Hamas-liðar nota til að komast inn í Ísrael. 

Ísraelsher hefur gert 1.960 loftárásir á Gaza frá 8. júlí. Hamas hafa að sama skapi skotið 1.380 eldflaugum að Ísrael.

Sameinuðu þjóðirnar segja að í það minnsta 1.370 heimili hafi verið eyðilögð í árásunum á Gaza og að 18 þúsund manns hafi þurft að yfirgefa heimili sín.

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

• 1 blogg um fréttina

Bloggað um fréttina

• Guðjón Sigþór Jensson: Óhugnaður afleiðinga vopnasölu