Ísraelsk stjórnvöld hafa nú ákveðið að fækka starfsmönnum í sendiráði landsins í Tyrklandi eftir mótmæli sem áttu sér stað við sendiráðið í Ankara og ræðisskrifstofu landsins í Istanbúl. Þetta staðfestir starfsmaður sendiráðsins við fréttastofuna AFP. 

Var fólkið að mótmæla hernaðaraðgerðum Ísraelsmanna á Gaza undanfarna daga. 

Starfsmaðurinn lagði þó áherslu á að starfsemi sendiráðsins mun ekki leggjast af heldur aðeins minnkuð. Hluti af starfsmönnum sendiráðsins og fjölskyldur þeirra hafa nú verið send aftur til Ísrael. 

Í yfirlýsingu frá utanríkisráðherra Ísrael, Avigdor Lieberman, segir hann að tyrkneskir öryggisfulltrúar hafi ekki staðið sig í að koma í veg fyrir ofbeldið er mörg hundruð mótmælendur réðust á ræðisskrifstofuna í Istanbúl og sendiráðið í Ankara.

Í Istanbúl notaðist lögreglan við táragas og sprautaði vatni til þess að halda aftur af mótmælendunum sem veifuðu palestínskum fánum og köstuðu steinum í húsið. Jafnframt voru gluggar brotnir á húsinu sem er í Levent-hverfi borgarinnar. 

Tyrkland minnkaði samskipti sín við Ísrael árið 2010 eftir að ísraelski herinn réðst á tyrkneskt skip á Gaza og tíu manns létust.

Í kjölfarið var ísraelski sendiherrann í Ankara rekinn og krafist var formlegrar afsökunarbeiðni og skaðabóta. Einnig kröfðust tyrknesk yfirvöld þess að Ísrael myndi hætta afskiptum sínum á Gaza. 

Forsætisráðherra Tyrklands, Recep Tayyip Erdogan, sem er traustur stuðningsmaður Palestínu, hefur gagnrýnt hernaðaraðgerðir Ísraelhers harðlega og m.a. ásakað Ísrael um að reyna að fremja „kerfisbundið þjóðarmorð“ á Palestínumönnum. 

Tengdar fréttir

Ísrael/Palestína

Sakar dómstólinn um gyðingahatur

• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Senda sendiráðsstarfsmenn heim/Þetta er svo að mörg ríki muni gera …