John Kerry, utanríkisráðherra Bandaríkjanna, sakaði í dag Hamas-samtökin um að viðhalda ófriði fyrir botni Miðjarðarhafsins. Hann sagði Hamas hafna öllum tilboðum um vopnahlé, þrjóskast þannig við og koma í veg fyrir frið á svæðinu.

„Þeim hefur verið boðið vopnahlé en því hafa samtökin hafnað,“ sagði Kerry í viðtali við ABC-fréttastofuna. Einnig að samtökin þrjóskuðust við þrátt fyrir að meira segja stjórnvöld í Egyptalandi hefðu talað fyrir vopnahléi.

Meira en sextíu Palestínumenn létu lífið í árásum Ísraela á Gaza í nótt og hefur Arababandalagið fordæmt árásirnar. „Það sem gekk á í Shejaiya í nótt var hrottalegt sprengjuregn og í raun stríðsglæpir gegn almennum borgurum. Einnig er þetta hættuleg þróun mála sem getur haft geigvænlegar afleiðingar,“ sagði Nabil al-Arabi, formaður Arababandalagsins.

Hann kallaði eftir því að Ísrael legði niður vopn hið snarasta. „Ísrael ber alla ábyrgð á þessum glæpum, morðum á tugum saklausra Palestínumanna.“

Tengdar fréttir

Ísrael/Palestína

281 hjálparstarfsmaður drepinn á árinu

• Segjast hafa drepið fimm vígamenn
• Sakar dómstólinn um gyðingahatur
• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon

» Fleiri tengdar fréttir

• 2 blogg um fréttina

Bloggað um fréttina

• Haraldur Haraldsson: Kerri segir Hamrs þrjóskast við!!/Sjálfur er Kerri strísðmaður!!!!
• Jóhann Elíasson: ÞAÐ ER BARA EIN LAUSN TIL Á MÁLINU - AÐ …