Forsætisráðherra Danmerkur, Helle Thorning-Schmidt, vildi ekki skrifa sig fyrir bréfi sem leiðtogar norrænna jafnaðarmannaflokka hafa sent frá sér þar sem umfang hernaðaraðgerða Ísraels á Gaza-ströndinni er fordæmt. Þá eru ísraelsk stjórnvöld hvött til þess að láta af hernámi sínu á Vesturbakkanum og losa Gaza úr þeirri einangrun sem svæðið búi við. Danska dagblaðið Politiken greinir frá þessu.

Fram kemur í fréttinni að aðrir leiðtogar jafnaðarmanna á Norðurlöndunum undirriti bréfið og þar á meðal Árni Páll Árnason, formaður Samfylkingarinnar. Thorning-Schmidt hefur verið harðlega gagnrýnd fyrir þessa ákvörðun en hún er eini jafnaðarmannaleiðtoginn á Norðurlöndunum sem á aðild að ríkisstjórn. Haft er eftir Holger K. Nielsen, fyrrverandi utanríkisráðherra Danmerkur, að hugsanleg skýring á ákvörðun forsætisráðherrans séu náin söguleg tengsl danskra jafnaðarmanna við Ísrael.

Ennfremur segir í fréttinni að Thorning-Schmidt sé í sumarleyfi en haft er eftir talsmanni hennar, Ane Halsboe-Jørgensen, að áherslur danskra stjórnvalda taki mið af stefnu Evrópusambandsins og rúmist innan hennar.

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Vildi ekki fordæma aðgerðir Ísraels///Þetta er er furðuldegt mjög !!!!