Tryggja verði öryggi Ísraels
Setja bókamerki
Stjórnvöld í Ísrael eru ekki reiðubúin að fallast á varanlegt vopnahlé við Hamas-samtökin nema öryggi landsins verði tryggt.
Þetta sagði Benjamin Netanyahu, forsætisráðherra Ísraels, í dag en stefnt hefur verið að því að halda viðræðum um mögulegt varanlegt vopnahlé áfram í dag í Kaíró höfuðborg Egyptalands.
Ráðherrann vísar þar einkum til eldflaugaárása Hamas og fleiri samtaka herskárra Palestínumanna á Ísrael. „Einungis ef skýr niðurstaða fæst varðandi þörf Ísraels fyrir öryggi getum við fallist á að reynt verði að ná samkomulagi,“ sagði Netanyahu við upphaf ríkisstjórnarfundar í Jerúsalem í morgun samkvæmt frétt AFP.
Ísrael og Hamas-samtökin samþykktu á miðvikudag fimm daga vopnahlé. Vonir standa til þess að hægt verði að semja um varanlegt vopnahlé áður en það rennur út.
„Sá vegur er bæði háll og myrkur“
Vöruflutningavél brotlenti í Litháen
Þurfa að fjölga um 100 legurými
Íslensk kona handtekin á Tenerife eftir líkamsárás
Vilja 20 ára dóm í frönsku nauðgunarmáli
77 ár á milli þess elsta og yngsta
Rannsókn á menningarnæturmáli lokið
„Við höldum áfram þangað til við erum búin“