Stjórnvöld í Noregi hafa til skoðunar lagabreytingu sem opnaði á þann möguleika að svipta þarlenda ríkisborgara, sem hafa farið með grófum hætti gegn mikilvægum hagsmunum norska ríkisins eða hafa af fúsum og frjálsum vilja gegnt herþjónustu með erlendum her, norsku ríkisfangi sínu. Norska ríkisútvarpið NRK greindi frá þessu í gær.

Fram kemur í fréttinni að verið sé að kanna hvernig rétt sé að útfæra slíka lagabreytingu og hversu víðtæk hún verði. Markmiðið með vinnunni sé hins vegar ljóst að sögn Sivjar Jensen, fjármálaráðherra Noregs og leiðtoga Framfaraflokksins. Hún sé að koma í veg fyrir öfga og hryðjuverkastarfsemi.

Hins vegar segir að formaður dómsmálanefndar norska Stórþingsins, Hadia Tajik þingmaður Verkamannaflokksins, sé ekki sannfærð um að slík lagabreyting hefði tilætluð áhrif. Spurningin sé hvort öryggi Norðmanna sé betur fyrir komið með fjölda hryðjuverkamanna í Sýrlandi sem hafi harma að hefna gagnvart Noregi.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: NÚ VIRÐAST RÁÐAMENN HINNA ÝMSU RÍKJA VERA AÐ VAKNA TIL …
• Valdimar Samúelsson: Ríkisborgararéttur á ekki að vera sjálfgefin réttur. Við þurfum að …